# Scholia in Lucianum (scholia vetera et recentiora Arethae) 1-22

Scholia in Lucianum, Scholia in Lucianum (scholia vetera et recentiora Arethae), Ἰκαρομένιππος ὑπερνέφελος.. Ancient Greek.

Canonical: https://interlinea.aeterna-institute.org/library/greek/scholia-in-lucianum/scholia-in-lucianum-scholia-vetera-et-recentiora-arethae/1-22

σταθμός*] μονή. ~ ΓVΦΩ παρασάγγαι*] μέτρον ἐστὶ Περσικόν, ἔχει στάδια λ′. τὰ δὲ ζ′ στάδιά εἰσι μίλιον ἕν. ~ ΓΩΔ — ] ὁ παρασάγγης μέτρον ἐστὶ παρ’ Αἰγυπτίοις, μεθ’ οὗ μετροῦσι διὰ τὴν τοῦ Νείλου ἐπίκλυσιν τὴν γῆν, ἔχον σταδίους τριάκοντα. ὁμοίως δὲ καὶ ὁ σχοῖνος ξ′. ὁ δὲ στάδιος ἔχει πόδας χ′. τὸ δὲ ὄνομα τὸ παρασάγγης τοῦτο εὕρηται πολλάκις ἐν τῇ Ἀναβάσει τοῦ Κύρου. ~ Δ — ] μέτρον Περσικὸν ὁ παρασάγγης, ὁδοῦ στάδιοι λ′. τὸ δὲ στάδιον ὀργυιαὶ ρ′, ὥσπερ καὶ τὸ πλέθρον ποδῶν ἑκατόν. τὸ δὲ μίλιον στάδια ζ′· τινὲς δὲ τῶν ἀρχαιοτέρων δέκα βούλονται σταδίων τὸ μίλιον εἶναι· Στράβων δὲ ὁ γεωγράφος [VΙΙ 7, 4 p. 322] η′, ἄλλοι δὲ ζς′′. ~ VφΩ ὑποξενίζοντας*] ξένως καὶ ἀγνώστως διαλεγομένους. ~ ΓVΩΔ λογίζομαι*] ἀριθμῶ. ~ ΓΩΔ ὅλους*] ὁλοκλήρους. ~ ΓVΩ

---

Scholia in Lucianum, Scholia in Lucianum (scholia vetera et recentiora Arethae), ed. Hugo Rabe. Text: The Greek Library, from the Perseus Digital Library and other open sources, CC BY-SA 4.0. Changes: apostrophes normalised and the text divided into reading sections by Interlinea.
License: CC BY-SA 4.0 (https://creativecommons.org/licenses/by-sa/4.0/). Source: https://thegreeklibrary.pages.lisn.upsaclay.fr/works/tlg5029.tlg001.local001/.