# Scholia in Lucianum (scholia vetera et recentiora Arethae) 4-13

Scholia in Lucianum, Scholia in Lucianum (scholia vetera et recentiora Arethae), Ἀλέξανδρος.. Ancient Greek.

Canonical: https://interlinea.aeterna-institute.org/library/greek/scholia-in-lucianum/scholia-in-lucianum-scholia-vetera-et-recentiora-arethae/4-13

καὶ ἡ γνώμη κτλ.] σημείωσαι. ~ V ὑπὲρ τοὺς Κέρκωπας: οὗτοι ἐν Βοιωτίᾳ δι⸤έτριβον Οἰχαλιεῖς ὄντες γένος Σίλλος καὶ Τρι⸤βα⸥λὸς ὀνομαζόμενοι, ἐπίορκοι καὶ ἀργοί, ὡς Κρατῖνος Ἀρχιλόχοις [fr. 12. C. A. F. Ι K.] καὶ Διότιμος Σίλλος τε Τριβαλός τε δύω βαρυδαίμονες ἄνδρες. ἀπ’ αὐτῶν δὲ καὶ τὸ παροιμιαζόμενον Κερκώπων ἀγορά. ἀπελιθώθησαν ⸤δ’⸥ οὗτοι, ὡς Φερεκύδης φησί. Ξεναγόρας δὲ εἰς πιθήκους διὰ κακοήθειαν μεταβαλεῖν φησιν ἐν τῷ Περὶ νήσων [fr. 13. F. H. G. IV p. 528 MüIler]. ὁ δὲ Eὐρύβατος ὡς πονηρὸς καὶ πανοῦργος, πρὸς δὲ καὶ προδότης εἰσάγεται Ἀριστοφάνει τῷ κω⸤μικῷ⸥ [fr. Daedali 184. C. A. F. I 435 K.] καὶ Δημοσθένει τῷ ῥήτορι [18, 24]. ὡσαύτως καὶ ὁ Φρυνώνδας ἐπὶ πονηρίᾳ βοᾶται Εὐπόλιδι ἐν Ἀστρατεύτοις [fr. 39. C. A. F. I 267 K.], Δήμοις [fr. 127. C. A. F. I 291 K.], Ἀριστοφάνει δὲ Προάγωνι [fr. 468. C. A. F. I 512 Κ.], Ἀμιφιαράῳ [fr. 26. C. A. F. Ι 398 K.], Θεσμοφοριαζούσαις [861]. ὁ Ἀριστόδημος δὲ μιαρὸς καὶ καταπύγων ἐς ὑπερβολήν, ἀφ’ οὗ καὶ ὁ πρωκτὸς Ἀριστόδημος καλεῖται· Κρατῖνος Πανόπταις [fr. 151. C. A. F. Ι 60 Κ.] Ἀριστόδημος ὡς ἀσχημονῶν ἐν τοῖς Κιμωνίοις ἀνὴρ ἐρειπίοις. ὡσαύτως καὶ Ἀριστοφάνης Δαιταλεῦσιν [fr. 231. C. A. F. Ι 451 Κ.]. τούτοις ὅμοιος καὶ ὁ Σώστρατος. ~ ⸤B⸥CVφΩ — ] σημείωσαι. ~ BV. Addit B: τί δ’ ἂν εἶπας τὸ καθ’ ἡμᾶς Κέρκωπας θεασάμενος; ~ ὅλως γὰρ ἐπινόησον κτλ.] σημείωσαι. ~ V

---

Scholia in Lucianum, Scholia in Lucianum (scholia vetera et recentiora Arethae), ed. Hugo Rabe. Text: The Greek Library, from the Perseus Digital Library and other open sources, CC BY-SA 4.0. Changes: apostrophes normalised and the text divided into reading sections by Interlinea.
License: CC BY-SA 4.0 (https://creativecommons.org/licenses/by-sa/4.0/). Source: https://thegreeklibrary.pages.lisn.upsaclay.fr/works/tlg5029.tlg001.local001/.