# Scholia in Sophoclem (scholia vetera) 901-972

Scholia In Sophoclem, Scholia in Sophoclem (scholia vetera), 901 to 972. Ancient Greek.

Canonical: https://interlinea.aeterna-institute.org/library/greek/scholia-in-sophoclem/scholia-in-sophoclem-scholia-vetera/901

901 τὸν νεωστὶ ἠρτημένον· ἢ ἐκ νέου τινὸς καὶ ὥραν ἔχοντος νέαν. 903 ψυχῇ σύνηθες ὅραμα ὃ ἀεὶ ἐφανταζόμην κατὰ ψυχήν. 908 τὸ μὲν ἀπὸ τῆς ὄψεως τοῦ βοστρύχου κινεῖσθαι ἐπὶ τὴν ἀλήθειαν γελοῖον· πιθανῶς οὖν ἐπάγει ὅτι οὐδενὶ ἄλλῳ ἢ τῷ πάνυ συνημμένῳ κατὰ γένος τὰ τοιαῦτα προσήκει. 909 τὸ ἀποκείρασθαι τὰς κόμας δῆλον ὅτι. 915 τὰ ἐπὶ τῇ τιμῇ γινόμενα τοῦ πατρός. γράφε τἀγλαΐσματα. 919 ἐπιτευκτικὴ καὶ κυρία. ἐπιτυχία. 922 γράφε ἔφυς. 929 ἐστιν οὐ κατὰ τοῦτο τῇ μητρὶ δυσχερὴς ὀφθεὶς καὶ διὰ τῆς ἀγγελίας λυπήσας αὐτήν. γράφε δυσμενής. 933 μνημεῖʹ τοῦ Ορέστου μνημόσυνα. 942 ὧν ἐγὼ ὧν ἐγὼ εἰς τὸ πράττειν ἀσφαλής εἰμι; φερέγγυος λέγεται ὁ ἀναδεξάμενός τι καὶ δυνάμενος ἀποτῖσαι οἷον ἀξιόχρεως, δυναμένη ἀναδέξασθαι τὴν ἐγχείρησιν. 944 τοῦτο τῷ προτέρῳ ὅμοιον ἦ τοὺς θανόντας ἐξαναστήσω ποτέ; 945 ἀντὶ τοῦ ἐπιτυγχάνεται. 946 συμπονήσω. τοῦτο συνῳδὸν τῷ τί γὰρ κελεύεις ὧν ἐγὼ φερέγγυος; 953 ἔκδικον. 958 ποῖ: ἀντὶ εἰς τίνα χρόνον; 964 οὐ γὰρ ὧδʼ ἄβουλός ἐστʼ ἀνήρ: προειποῦσα τὰ δεινὰ τὸ χαλεπώτερον ἐπιφέρει, ὡς οὐδὲ μεταβολῆς τυχεῖν ἐλπὶς ἔνεστιν. 972 γνώμη.

---

Scholia in Sophoclem, Scholia in Sophoclem (scholia vetera), ed. Petrus N. Papageorgius. Text: The Greek Library, from the Perseus Digital Library and other open sources, CC BY-SA 4.0. Changes: apostrophes normalised and the text divided into reading sections by Interlinea.
License: CC BY-SA 4.0 (https://creativecommons.org/licenses/by-sa/4.0/). Source: https://thegreeklibrary.pages.lisn.upsaclay.fr/works/tlg5037.tlg004.local001/.