Ancient Greek
Choral 10
Sophocles, Ἠλέκτρα 10.1-2
Not analysed yet
ὁ πᾶς ἐμοί,
ὁ πᾶς ἂν πρέποι παρὼν ἐννέπειν
τάδε δίκᾳ χρόνος·
μόλις γὰρ ἔσχον νῦν ἐλεύθερον στόμα.
ξύμφημι κἀγώ· τοιγαροῦν σῴζου τόδε.
τί δρῶσα;
οὗ μή ʼστι καιρὸς μὴ μακρὰν βούλου λέγειν.
τίς οὖν ἂν ἀξίαν γε σοῦ πεφηνότος
μεταβάλοιτʼ ἂν ὧδε σιγὰν λόγων;
ἐπεί σε νῦν ἀφράστως
ἀέλπτως τʼ ἐσεῖδον.
τότʼ εἶδες, εὖτε θεοί μʼ ἐπώτρυναν μολεῖν
ἔφρασας ὑπερτέραν
τᾶς πάρος ἔτι χάριτος, εἴ σε θεὸς ἐπόρισεν
ἁμέτερα πρὸς μέλαθρα· δαιμόνιον
αὐτὸ τίθημʼ ἐγώ.
τὰ μέν σʼ ὀκνῶ χαίρουσαν εἰργαθεῖν, τὰ δὲ
δέδοικα λίαν ἡδονῇ νικωμένην.