# Suidae lexicon 1.1299-1308

Suda, Suidae lexicon, 1.1299 to 1.1308. Ancient Greek.

Canonical: https://interlinea.aeterna-institute.org/library/greek/suda/suidae-lexicon/1.1299

1299 Ἀλκυονὶϲ καὶ Ἀλκυονῖτιϲ: ἡ τῆϲ Ἀλκυόνοϲ μήτηρ. 1300 Ἀλκυών: ὄρνεον θαλάϲϲιον. 1301 Ἅλμα: πήδημα. 1302 Ἁλμάδεϲ: κολυμβάδεϲ ἐλαῖαι. 1303 Ἅλμη οὐκ ἔνεϲτ᾿ αὐτῷ: ἐπὶ τοῦ ἀγλευκοῦϲ καὶ ἀηδοῦϲ. 1304 Ἁλμυρόν· ὅτι τὸ ἁλμυρὸν ὕδωρ τοῦ γλυκέοϲ θερμότερον. 1305 Ἀλοάων. καὶ Ἀλοάϲαντα· ἀλοάϲαντα εἶπεν ἐν τῷ α Φερεκράτηϲ· ἵπποι ὑποζύγιοι ἀλοάϲαντ᾿ εὐθὺϲ ἐκποιῆϲαι. τὸ δὲ ϲυγκόψαι πληγαῖϲ, ἀλοῆϲαι ἐν τῷ η. 1306 Ἀλογεῖν: γενικῇ. ἀφροντιϲτεῖν. δὲ Τάλιγγιϲ ὅπλων μὲν καὶ μαχίμων ἀνδρῶν ἔκρινεν ἀλογεῖν, πόρναιϲ δὲ καὶ ἀθυρογλώττοιϲ ὁμοδίαιτοϲ ὑπάρχειν. 1307 Ἀλογῆϲαι: ἀφροντίϲαι, παραλογίϲαϲθαι. καὶ Ἀλογήϲει: γενικῇ. ἀμελήϲει, οὐ φροντίϲει. 1308 Ἀλογία: ἡ ἀφροντιϲία. Ἡρόδοτοϲ· ὁ δὲ κατάϲκοποϲ εὗρε τοὺϲ Λακεδαιμονίουϲ κτενιζομένουϲ καὶ ἐθωύμαζεν, ἀλογίηϲ τε ἐνεκύρηϲε πολλῆϲ. ὁ δὲ Ξέρξηϲ ἀκούων ταῦτα οὐκ εἶχε ϲυμβαλέϲθαι τὸ ἐόν.

---

Suda, Suidae lexicon, ed. Ada Adler. Text: The Greek Library, from the Perseus Digital Library and other open sources, CC BY-SA 4.0. Changes: apostrophes normalised and the text divided into reading sections by Interlinea.
License: CC BY-SA 4.0 (https://creativecommons.org/licenses/by-sa/4.0/). Source: https://thegreeklibrary.pages.lisn.upsaclay.fr/works/tlg9010.tlg001.local001/.