# Suidae lexicon 1.366-387

Suda, Suidae lexicon, 1.366 to 1.387. Ancient Greek.

Canonical: https://interlinea.aeterna-institute.org/library/greek/suda/suidae-lexicon/1.366

366 Γολγοθά: τόποϲ. 367 Γολιάθηϲ· οὗτοϲ Παλαιϲτῖνοϲ ἦν ἀνὴρ παμμεγεθέϲτατοϲ, πηχῶν δ΄ καὶ ϲπιθαμῆϲ, ὅπλα τῆϲ φύϲεωϲ τοῦ ϲώματοϲ ἀναλογοῦντα περικείμενοϲ. ὁ αὐτὸϲ Γολιὰθ Ἑβραΐδι διαλέκτῳ. 368 Γολόη: ὄνομα τόπου. 369 Γολόϲϲηϲ: Νομάδων βαϲιλεύϲ. καὶ ζήτει ἐν τῷ Ἀϲδρούβαϲ. 370 Γομόρ: εἶδοϲ μέτρου Ἑβραϊκοῦ. 371 Γόμορα: τόποϲ τῶν Σοδόμων. 372 Γομφιαϲμόϲ: ὁ ϲυγκλαϲμόϲ. 373 Γομφίουϲ: ὀδόνταϲ, κλειδώϲειϲ. καὶ Γομφιόδουπα χαλινά· ἐν Ἐπιγράμμαϲι· τὰ εἰϲ τούϲ γομφίουϲ κτυποῦντα, τουτέϲτι τὰϲ ϲιαγόναϲ. 374 Γομφίουϲ: τοὺϲ προϲθίουϲ ὀδόνταϲ. ὁ δ’ ὠχριήϲαϲ γομφίουϲ τε ϲυγκρούϲαϲ, μή μοι χαρίζου φηϲί. 375 Γομφοπαγῆ ῥήματα: ἀντὶ τοῦ ἀκριβέϲτατα, πολυϲύνθετα. περὶ Αἰϲχύλου Ἀριϲτοφάνηϲ. 376 Γόμφοι: μύλοι, ϲφῆνεϲ, δεϲμὰ, ἄρθρα, ϲύνδεϲμοι ὀδόντων. 377 Γόνατον· καὶ κάλαμοι ἐνέκειντο ἐν τοῖϲ κρατῆρϲιν οὐκ ἔχοντεϲ γόνατα. 378 Γονεῦϲιν ἀπειθεῖϲ: τοὺϲ καὶ μέχρι γονέων ἀγνώμοναϲ παρὰ τῷ Ἀποϲτόλῳ. 379 Γονεία: ἡ γέννηϲιϲ. 380 Γονορροίηϲ: ὁ νοϲῶν. 381 Γόνυ, γόνυοϲ. 382 Γονυκλινήϲ: ἐπὶ γόνυ πεϲών. τήν τε γυναῖκα τοῦ βαρβάρου γονυκλινὴϲ ὢν ἐθεράπευϲεν. 383 Γόνυ κνήμηϲ ἔγγιον: ἐπὶ τῶν ἑαυτῶν μᾶλλον ἑτέρουϲ ἀγαπώντων. ἔνιοι δὲ ἐπὶ τῶν ὀφειλόντων παρέχειν τοῖϲ προϲήκουϲιν. ἐπεὶ ἐγγύτερον τὸ γόνυ. 384 Γονύων: γονάτων. Ξενοφῶν· ἐνῆϲαν δὲ καὶ κάλαμοι, γόνατα οὐκ ἔχοντεϲ. 385 Γονυπετῆϲαι· αἰτιατικῇ. προϲκυνῆϲαι. 386 Γόον: θρῆνον. 387 Γόρβορα: τόποϲ τιϲ.

---

Suda, Suidae lexicon, ed. Ada Adler. Text: The Greek Library, from the Perseus Digital Library and other open sources, CC BY-SA 4.0. Changes: apostrophes normalised and the text divided into reading sections by Interlinea.
License: CC BY-SA 4.0 (https://creativecommons.org/licenses/by-sa/4.0/). Source: https://thegreeklibrary.pages.lisn.upsaclay.fr/works/tlg9010.tlg001.local001/.