# Suidae lexicon 1.4351-4360

Suda, Suidae lexicon, 1.4351 to 1.4360. Ancient Greek.

Canonical: https://interlinea.aeterna-institute.org/library/greek/suda/suidae-lexicon/1.4351

4351 Ἀττήλαϲ: ὁ τῶν Σκυθῶν ἡγεμών. 4352 Ἀτημελία: ἡ καταφρόνηϲιϲ, ἡ ἀμέλεια. Ἀγαθίαϲ· τὰ γὰρ μακρὰ τείχη πολλαχοῦ ὑπὸ χρόνου καὶ ἀτημελίαϲ ἐπεπτώκει, καὶ διελέλυτο ἡ τοῦ μεγίϲτου ἕρματοϲ οἰκοδομία. καὶ Ἀτημελήτουϲ, ἀπρονοήτουϲ, λίαν ἠμελημένουϲ. 4353 Ἀτηρότατον· Σφηξί. Πλάτων δ᾿ ἐν Φάωνι ἀτηρίαϲ. καὶ Ἀτηρόν. Ἀριϲτοφάνηϲ· οὐ γὰρ ὁ γέρων ἀτηρὸν ἦν κακόν. καὶ αὖθιϲ· οἱ δὲ ἐγέλων γέλων ἀτηρόν. βλαβερόν. 4354 Ἄττιϲ παρὰ Φρυξὶ μάλιϲτα τιμᾶται, ὡϲ πρόϲπολοϲ τῆϲ Μητρὸϲ τῶν θεῶν. 4355 Ἄττιν, οὐχὶ Ἄττια. Δημοϲθένηϲ· κατάρχειϲ τοῖϲ Σάβοιϲ· Ἄττιϲ Ὕιϲ, Ἄττιϲ. Θεόπομποϲ Καπηλίϲι· κολάϲομαί γ᾿ ἔϲω καὶ τὸν ϲὸν Ἄττιν. 4356 Ἀτίθαϲϲον: ἀνήμερον. 4357 Ἀττικάϲ: ἀντὶ τοῦ ὑϲτεριζούϲαϲ τοῦ καιροῦ, βραδυνούϲαϲ. Ἀριϲτοφάνηϲ· ἀλλ᾿ ὄψει ϲφόδρα αὐτὰϲ Ἀττικάϲ. οἷον μελλούϲαϲ ἐν τῷ πράγματι. 4358 Ἀττικἡ ὅτι Ποϲειδῶν καὶ Ἀθηνᾶ ἐφιλονείκηϲαν περὶ τῆϲ Ἀττικῆϲ. καὶ ζήτει ἐν τῷ γεραίτεροϲ. 4359 Ἀττικὴ πίϲτιϲ: ἐπὶ τῶν βεβαίαν φυλαττόντων πίϲτιν. καὶ Ἀττικὸϲ μάρτυϲ. 4360 Ἀττικιϲμόϲ: ἡ πρὸϲ τοὺϲ Ἀττικοὺϲ οἰκειότηϲ καὶ εὔνοια· ὡϲ Λακωνιϲμόϲ, ἡ πρὸϲ τοὺϲ Λάκωναϲ. καὶ Ἀττικοῖϲ γράμμαϲι, Δημοϲθένηϲ κατὰ Νεαίραϲ, ἀντὶ τοῦ παλαιοῖϲ. τὴν γὰρ τῶν κδ΄ ϲτοιχείων γραμματικὴν ὀψέ ποτε παρὰ τοῖϲ Ἴωϲιν εὑρεθῆναι.

---

Suda, Suidae lexicon, ed. Ada Adler. Text: The Greek Library, from the Perseus Digital Library and other open sources, CC BY-SA 4.0. Changes: apostrophes normalised and the text divided into reading sections by Interlinea.
License: CC BY-SA 4.0 (https://creativecommons.org/licenses/by-sa/4.0/). Source: https://thegreeklibrary.pages.lisn.upsaclay.fr/works/tlg9010.tlg001.local001/.