# Interpretatio in Danielem (Ms A) 12-9

Theodoretus, Interpretatio in Danielem (Ms A), θεοδωρήτου ἐπισκόπου κύρου ἑρμηνεία εἰς τὸν προφήτην δανιήλ, τόμος ι. Ancient Greek.

Canonical: https://interlinea.aeterna-institute.org/library/greek/theodoretus-scr-eccl-et-theol/interpretatio-in-danielem-ms-a/12-9

καὶ ἀγριανθήσεται βασιλεὺς τοῦ νότου καὶ ἐξελεύσεται καὶ πολεμήσει μετὰ τοῦ βασιλέως τοῦ βορρᾶ καὶ στήσει ὄχλον πολὺν καὶ παραδοθήσεται ὄχλος ἐν χειρὶ αὐτοῦ. καὶ λήψονται ὄχλον καὶ ὑψωθήσεται ἡ καρδία αὐτοῦ καὶ καταβαλεῖ μυριάδας καὶ οὐκ ἰσχύσει. τοῦ γὰρ βασιλέως τοῦ νότου ἀντιπαραταττομένου μετὰ πλήθους πολλοῦ περιγενήσεταί φησιν ὁ ἀντίοχος καὶ λήψεται τὸν ὄχλον ὑποχείριον καὶ ὡς νενικηκὼς ὑπερηφανίᾳ χρήσεται καὶ πολλὰς κατακοντίσει μυριάδας. ἀλλ’ ὅμως οὐ περιγενήσεται τῆς αἰγύπτου οὐδὲ κρατήσει τῆς τοῦ πτολεμαίου βασιλείας· οὗ χάριν δυσχεραίνων πάλιν φησίν·

---

Theodoretus Cyrensis, Interpretatio in Danielem (Ms A), ed. Philip Schmitz Editor. Text: The Greek Library, from the Perseus Digital Library and other open sources, CC BY-SA 4.0. Changes: apostrophes normalised and the text divided into reading sections by Interlinea.
License: CC BY-SA 4.0 (https://creativecommons.org/licenses/by-sa/4.0/). Source: https://thegreeklibrary.pages.lisn.upsaclay.fr/works/tlg4089.tlg028.local013/.