# Interpretatio in Danielem (Ms A) 2-3

Theodoretus, Interpretatio in Danielem (Ms A), θεοδωρήτου ἐπισκόπου κύρου ἑρμηνεία εἰς τὸν προφήτην δανιήλ, λόγος τρίτος. Ancient Greek.

Canonical: https://interlinea.aeterna-institute.org/library/greek/theodoretus-scr-eccl-et-theol/interpretatio-in-danielem-ms-a/2-3

συνήγαγε φησί πάντας τοὺς σατράπας ὑπάτους τὲ καὶ στρατηγοὺς καὶ τοπάρχας ἡγουμένους τε καὶ τυράννους καὶ τοὺς ἐπ ̓ ἐξουσιῶν καὶ πάντας τοὺς ἄρχοντας τῶν χωρῶν ἐλθεῖν εἰς τὰ ἐγκαίνια τῆς εἰκόνος, ἧς ἔστησε ναβουχοδονόσορ ὁ βασιλεύς. καὶ τούτων δὲ ἕκαστον τὴν ἄκραν ὑπερηφανίαν παραδηλοῖ. οὐ γὰρ ἁπλῶς τοὺς τυχόντας τῶν ὑπηκόων εἰς τὴν τῆς εἰκόνος συνεκάλεσεν ἑορτὴν, ἀλλὰ τούς τετοπάρχας οἳ τῶν οἰκείων ἐθνῶν ἐβασίλευον καὶ τοὺς ὑποκειμένους τούτοις σατράπας καὶ τοὺς στρατηγοὺς τοὺς τῶν σατράπων τὴν ἡγεμονίαν πεπιστευμένους, καὶ εἴ τι ἕτερον εἶδος ἀρχῆς παρ’ ἐκείνοις ἐνενόμιστο. καὶ εὐθὺς μὲν ἡ κλῆσις ἁπλῆ τις ἐνομίζετο, ὕστερον δὲ τὸ διὰ τῆς κλήσεως τυραννευόμενον ἐφωράθη. ἐπειδὴ γὰρ συνῆλθον ἅπαντες.

---

Theodoretus Cyrensis, Interpretatio in Danielem (Ms A), ed. Philip Schmitz Editor. Text: The Greek Library, from the Perseus Digital Library and other open sources, CC BY-SA 4.0. Changes: apostrophes normalised and the text divided into reading sections by Interlinea.
License: CC BY-SA 4.0 (https://creativecommons.org/licenses/by-sa/4.0/). Source: https://thegreeklibrary.pages.lisn.upsaclay.fr/works/tlg4089.tlg028.local013/.