# Vita Aesopi Pl vel Accursiana (sub auctore Maximo Planude) (recensio 1) 24

Vitae Aesopi, Vita Aesopi Pl vel Accursiana (sub auctore Maximo Planude) (recensio 1), Chapter 24. Ancient Greek.

Canonical: https://interlinea.aeterna-institute.org/library/greek/vitae-aesopi/vita-aesopi-pl-vel-accursiana-sub-auctore-maximo-planude-recensio-1/24

Αἴσωπος δὲ μὴ παιδοποιησάμενος, ἕνατινὰ τῶν εὐ- γενῶν, Ἔννον τὴν κλῆσιν, εἰσεποιήσατό τε καὶ ὡς γνή- σιον παῖδα τῷ βασιλεῖπροσενέγκας συνέστησε. μετὰ δʼ οὐ πολύν χρόνον τοῦ Ἔννου τῇ τοῦ θεμένου παλ- λακῇ συμφθαρέντος, Αἴσωπος τοῦτο γνούς, ἀπελαύ- νειν ἔμελλε τῆς οἰκίας. ὃ δὲ τῇ κατʼ ἐκείνου ὀργῇ ληφθείς, ἐπιστολήν τε πλασάμενος παρʼ Αἰσώπου δῆθεν πρὸς τούς ἀντισοφιζομένους Λυκήρῳ, ὡς αὐ- τοῖς ἕτοιμός ἐστι προστίθεσθαι μᾶλλον ἢ τῷ Λυ- κήρῳ, τῷ βασιλεῖ ἐνεχείρισε, τῷ τοῦ Αἰσώπου ταύ- την σφραγισάμενος δακτυλίῳ. ὁ δὲ βασιλεύς τῇ τε] σφραγῖδι πεισθεὶς καὶ ἀπαραιτήτῳ ὀργῇ χρησάμε- νος, παραχρῆμα τῷ Ἑρμίππῳ κελεύει, μηδὲν ἐξετά- σαντα οἷα δὴ προδότην διαχειρίσασθαι Αἴσωπον. ὁ δὲ Ἕρμιππος φίλος τε ἦν τῷ Αἰσώπῳ καὶ τότε δὴ τὸν φίλον ἐπέδειξεν. ἔν τινι γὰρ τῶν τάφων μηδενὸς εἰδότος κρύψας τὸν ἄνθρωπον, ἐν ἀπορρή- τοις ἔτρεφεν. Ἔννος δέ, τοῦ βασιλέως κελεύσαντος, πᾶσαν τὴν διοίκησιν Αἰσώπου παρέλαβε.

---

Vitae Aesopi, Vita Aesopi Pl vel Accursiana (sub auctore Maximo Planude) (recensio 1), ed. Alfred Eberhard. Text: The Greek Library, from the Perseus Digital Library and other open sources, CC BY-SA 4.0. Changes: apostrophes normalised and the text divided into reading sections by Interlinea.
License: CC BY-SA 4.0 (https://creativecommons.org/licenses/by-sa/4.0/). Source: https://thegreeklibrary.pages.lisn.upsaclay.fr/works/tlg1765.tlg003.local001/.