# Ἑρμηνεία περὶ τῶν φώτων (e cod. Paris. B.N. gr. 2327, fol. 265v) 2.250

Zosimus, Ἑρμηνεία περὶ τῶν φώτων (e cod. Paris. B.N. gr. 2327, fol. 265v), Volume 2. Ancient Greek.

Canonical: https://interlinea.aeterna-institute.org/library/greek/zosimus-alchem/e-cod-paris-b-n-gr-2327-fol-265v/2.250

ἐργασίας· ἐπὶ τῶν προγυμνασθέντων ὑμῖν παραδίδωμι, τῇδε τῇ ἀκολουθίᾳ· εἰ μὲν διὰ ὑελίνων ἀγγῶν ἑψοῦνται τὰ θειώδη, ἀναγκαῖον χρήσασθαι τοῖς φωσὶν οἷς κέχρηνται οἱ σκιογράφοι, εἴ τίς ἐστι κηροτάκις. Ἀναγκαῖον οὖν τὸ ἄγγος τὸ ὑέλινον διὰ πηλοῦ κεραμικοῦ ἐπιδερματίδα <ἔχειν> ἡμιδακτυλαίαν, ἵνα μὴ τὸ ἄγγος ῥῆξιν ὑπομένῃ διὰ τῆς θέρμης, οὕτως διαπραξαμένους ὡς ἐᾶται τὰ μέτρα τῶν φώτων. Ἐὰν δὲ μέλλῃς παροπτᾶν τὰ ἐπὶ τὸ ξανθὸν ἀγόμενα, ἀναγκαῖον ὑμᾶς χρήσασθαι τοῖσδε τοῖς φωσὶ, ἡ μὲν τοῦ ζώου εἰσχικῷ (?) καμινίῳ παροπτᾶν, ὅταν κομίσῃς αὐτοῦ τὰ ἐπὶ τὰ ξανθὰ ἀγόμενα, ἐν τῇ καμίνῳ ἐπὶ ὥρας ϛʹ· ὥρας δὲ λέγω τὰς κεκραμένας ... ἀπέχεται, καὶ φῶτα τὰ ἐπὶ τὸ ξανθὸν ἄγονται.

---

Zosimus Alchem., Ἑρμηνεία περὶ τῶν φώτων (e cod. Paris. B.N. gr. 2327, fol. 265v). Text: The Greek Library, from the Perseus Digital Library and other open sources, CC BY 4.0. Changes: apostrophes normalised and the text divided into reading sections by Interlinea.
License: CC BY 4.0 (https://creativecommons.org/licenses/by/4.0/). Source: https://thegreeklibrary.pages.lisn.upsaclay.fr/works/tlg4319.tlg055.local001/.