# Sermo Arianorum 27

Augustine, Sermo Arianorum, 27. Latin.

Canonical: https://interlinea.aeterna-institute.org/library/latin/augustine/sermo-arianorum/27
JSON: https://interlinea.aeterna-institute.org/api/v1/library/latin/augustine/sermo-arianorum/27

Filius ut sacerdos adorat Deum suum, et ab omnibus adoratur ut Deus et creator omnium: Pater vero solus nullum adorat, quia nee majorem, nee æqualem habet quem adoret: nulli gratias agit, quia nullius beneficium consecutus est; omnibus ut essent ob bonitatem suam donavit, ipse quod est a nemine accepit. Ergo hæc trium substantiarum, Patris, et Filii, et Spiritus sancti distinctio, et trium rerum, Dei ingeniti, et Dei unigeniti, et Spiritus advocati difTerentia: et Pater Deus et Dominus est Filin suo, et omnium quae per virtutem Filii voluntate ipsius facta suut: Filius minister et summus sacerdos est Patris sui; omnium vero operum suorum Dominus et Deus est, Patre volente. is. Et sicuti nemo pot est sine Filio ad Patrem transire, ita et nemo potest sine Spiritu sancto Filium in veritate adorare: ergo in Spiritu sancto adoratur Filius.

---

Augustine, Sermo Arianorum, ed. J.-P. Migne. Text: Open Greek and Latin, Patrologia Latina (University of Leipzig), CC BY-SA 4.0. Changes: notes, column numbers and editors' prefaces removed, line-end hyphens joined and the text divided into reading sections by Interlinea.
License: CC BY-SA 4.0 (https://creativecommons.org/licenses/by-sa/4.0/). Source: https://github.com/OpenGreekAndLatin/patrologia_latina-dev/blob/8c651f859f821f0868755596f1a513946ca25350/data/stoa0040/stoa077b/stoa0040.stoa077b.opp-lat1.xml.
