# Noctes Atticae 11.5.a-3

Aulus Gellius, Noctes Atticae, 11.5.a to 11.5.3. Latin.

Canonical: https://interlinea.aeterna-institute.org/library/latin/aulus-gellius/noctes-atticae/11.5.a

De Pyrronis philosophis quaedam deque Academicis strictim notata; deque inter eos differentia. Quos Pyrronios philosophos vocamus, hi Graeco cognomento σκεπτικοί appellantur; id ferme significat quasi quaesitores et consideratores. Nihil enim decernunt, nihil constituunt, sed in quaerendo semper considerandoque sunt quidnam sit omnium rerum de quo decerni constituique possit.

---

Aulus Gellius, Noctes Atticae, ed. John C. Rolfe. Text: the Perseus Digital Library, canonical-latinLit, CC BY-SA 4.0. Changes: apostrophes normalised and the text divided into reading sections by Interlinea.
License: CC BY-SA 4.0 (https://creativecommons.org/licenses/by-sa/4.0/). Source: https://github.com/PerseusDL/canonical-latinLit/blob/master/data/phi1254/phi001/phi1254.phi001.perseus-lat2.xml.