Latin · ~2 min
Lines 4-6
Ausonius, De Bissula 4-6
Not analysed yet
DELICIUM, blanditiae, ludus, amor, voluptas,
barbara, sed quae Latias vineis alumna pupas,
Bissula, nomen tenerae rusticulum puellae,
horridulum non solitis, sed domino venustum.
BISSULA nec ceris nec fuco imitabilis ullo
naturale decus fictae non commodat arti.
sandyx et cerusa, alias simulate puellas:
temperiem hanc vultus nescit manus, ergo age, pictor,
puniceas confunde rosas et lilia misce,
quique erit ex illis color aeris, ipse sit oris.
PINGERE si nostram, pictor, meditaris alumnam,
aemula Cecropias ars imitetur apes.