Latin · ~1 min
Poem 26
Ausonius, Eclogarum Liber 26
Not analysed yet
UNGUES Mercurio, barbam Iove, Cypride crines.
MERCURIUS furtis probat ungues semper acutos
articulisque aciem non sinit imminui.
barba Iovi, crines Veneri decor: ergo necesse est,
ut nolint demi, quo sibi uterque placent.
Mavors imberbos et calvos, Luna, adamasti:
non prohibent comi tum caput atque genas.
Sol et Saturnus nil obstant unguibus: ergo
non placitum divis tolle monostichium.