# Epigrammaton Liber 2

Ausonius, Epigrammaton Liber, Poem 2. Latin.

Canonical: https://interlinea.aeterna-institute.org/library/latin/ausonius/epigrammaton-liber/2

FAMA est fictilibus cenasse Agathoclea regem
atque abacum Samio saepe onerasse luto,
fereula geminatis cum poneret horrida 1 vasis
et miseeret opes pauperiemque simul,
quaerenti causam respondit: Rex ego qui sum
Sicaniae, figulo sum genitore satus.
fortunam reverenter habe, quicumque repente
dives ab exili progrediere loco.

---

Ausonius, Epigrammaton Liber, ed. Hugh G. Evelyn-White. Text: the Perseus Digital Library, canonical-latinLit, CC BY-SA 4.0. Changes: apostrophes normalised and the text divided into reading sections by Interlinea.
License: CC BY-SA 4.0 (https://creativecommons.org/licenses/by-sa/4.0/). Source: https://github.com/PerseusDL/canonical-latinLit/blob/master/data/stoa0045/stoa010/stoa0045.stoa010.perseus-lat2.xml.