Latin · ~2 min
Poem 23
Ausonius, Epigrammaton Liber 23
Not analysed yet
“SUASISTI, Venus, ecce, duas dyseros ut amarem.
odit utraque: aliud da modo consilium.”
Vince datis ambas. Cupio: verum arta domi res.
Pelliee promissis. Nulla fides inopi.
Antestare deos. Nec fas mihi fallere divos.
Pervigila ante fores. Nocte capi metuo.
Scribe elegos. Nequeo, Musarum et Apollinis expers.
Frange fores. Poenas iudicii metuo.
Stulte, ab amore mori pateris: non vis ob amorem?
Malo miser dici, quam miser atque reus.
Suasi, quod potui: tu alios modo consule. Dic quos?
“Quod sibi suaserunt, Phaedra et Elissa dabunt,
quod Canace Phyllisque et fastidita Phaoni.” 1
Hoc das consilium? tale datur miseris.