Latin · ~1 min
Poem 25
Ausonius, Epigrammaton Liber 25
Not analysed yet
EST quod mane legas, est et quod vespere; laetis
seria miscuimus, tempore uti placeant,
non unus vitae color est nec carminis unus
lector; habet tempus pagina quaeque suum;
hoc mitrata Venus, probat hoc galeata Minerva;
Stoicus has partes, has Epicurus amat;
salva mihi veterum maneat dum regula morum,
plaudat permissis sobria musa iocis.