Latin · ~1 min
Poem 32
Ausonius, Epigrammaton Liber 32
Not analysed yet
Vane, quid adfectus faciem mihi ponere, pictor,
ignotamque oculis sollicitare deam?
Aeris et Linguae sum filia, mater inanis
indicii, vocem quae sine mente gero.
extremos pereunte modos a fine reducens,
ludificata sequor verba aliena meis.
auribus in vestris habito penetrabilis Echo:
et, si vis similem pingere, pinge sonum.