Latin · ~1 min
Poem 34
Ausonius, Epigrammaton Liber 34
Not analysed yet
DICEBAM tibi: “Galla, senescimus; effugit aetas,
utere rene tuo: casta puella anus est.”
sprevisti. obrepsit non intellecta senectus
nec revocare potes, qui periere, dies.
nunc piget et querens, quod non aut ista voluntas
tunc fuit, aut non est nunc ea forma tibi.
da tamen amplexus oblitaque gaudia iunge
da: fruar, et si non quod volo, quod volui.