Latin · ~1 min
Poem 38
Ausonius, Epigrammaton Liber 38
Not analysed yet
CANUS rogabat Laidis noctem Myron:
tulit repulsam protinus
causamque sensit et caput fuligine
fucavit atra candidum,
idemque vultu, crine non idem Myron
orabat oratum prius,
sed illa formam cum capillo comparatis
similemque, non ipsum, rata
(fortasse et ipsum, sed volens ludo frui)
sic est adorta callidum:
“Inepte, quid me, quod recusari, rogas?
patri negavi iam tuo.”