Latin
Poem 45
Ausonius, Epigrammaton Liber 45
Not analysed yet
QUIDAM superbus opibus et fastu tumens
tantumque verbis nobilis
spernit vigentis clara saecli nomina,
antiqua captans stemmata,
Martem Remumque et conditorem Romulum
privos parentes nuneupans.
hos ille Serum veste contexi iubet:
hos caelat argento gravi,
ceris inurens ianuarum limina
et atriorum pegmata.
credo, quod illi nec pater certus fuit
et mater est vere lupa.