# Epigrammaton Liber 45

Ausonius, Epigrammaton Liber, Poem 45. Latin.

Canonical: https://interlinea.aeterna-institute.org/library/latin/ausonius/epigrammaton-liber/45

QUIDAM superbus opibus et fastu tumens
tantumque verbis nobilis
spernit vigentis clara saecli nomina,
antiqua captans stemmata,
Martem Remumque et conditorem Romulum
privos parentes nuneupans.
hos ille Serum veste contexi iubet:
hos caelat argento gravi,
ceris inurens ianuarum limina
et atriorum pegmata.
credo, quod illi nec pater certus fuit
et mater est vere lupa.

---

Ausonius, Epigrammaton Liber, ed. Hugh G. Evelyn-White. Text: the Perseus Digital Library, canonical-latinLit, CC BY-SA 4.0. Changes: apostrophes normalised and the text divided into reading sections by Interlinea.
License: CC BY-SA 4.0 (https://creativecommons.org/licenses/by-sa/4.0/). Source: https://github.com/PerseusDL/canonical-latinLit/blob/master/data/stoa0045/stoa010/stoa0045.stoa010.perseus-lat2.xml.