Latin · ~1 min
Poem 5
Ausonius, Epigrammaton Liber 5
Not analysed yet
LATRATUS catulorum, hinnitus fingis equorum,
caprigenumque pecus lanigerosque greges
habitu adsimulas; asinos quoque rudere dicas,
cum vis Arcadicum fingere, Marce, pecus,
gallorum cantus et ovantes gutture corvos
et quidquid vocum belua et ales habet,
omnia cum simules ita vere. ut ficta negentur.
non potes humanae vocis habere sonum.