Latin · ~2 min
Poem 77
Ausonius, Epigrammaton Liber 77
Not analysed yet
“Pythagora Euphorbi, reparas qui semina rerum
corporibusque novis das reduces animas,
dic, quid erit Marcus iam fata novissima functus,
si redeat vitam rursus in aeriam? ”
“Quis Marcus? ""Feles nuper pullaria dictus,
corrupit totum qui puerile secus,
perversae Veneris postico vulnere fossor,
Lucili vatis subpilo pullipremo.”
“Non taurus, non mulus erit, non hippocamelus,
non caper aut aries, sed scarabaeus erit.”