# Epigrammaton Liber 93

Ausonius, Epigrammaton Liber, Poem 93. Latin.

Canonical: https://interlinea.aeterna-institute.org/library/latin/ausonius/epigrammaton-liber/93

Inguina quod calido levas tibi dropace, causa est:
irritant volsas levia membra lupas.
sed quod et elixo plantaria podice vellis
et teris incusas pumice Clazomenas,
causa latet: bimarem nisi quod patientia morbum
adpetit et tergo femina, pube vir es.

---

Ausonius, Epigrammaton Liber, ed. Hugh G. Evelyn-White. Text: the Perseus Digital Library, canonical-latinLit, CC BY-SA 4.0. Changes: apostrophes normalised and the text divided into reading sections by Interlinea.
License: CC BY-SA 4.0 (https://creativecommons.org/licenses/by-sa/4.0/). Source: https://github.com/PerseusDL/canonical-latinLit/blob/master/data/stoa0045/stoa010/stoa0045.stoa010.perseus-lat2.xml.