Latin · ~1 min
Poem 95
Ausonius, Epigrammaton Liber 95
Not analysed yet
Doctus Hylas caestu, Phegeus catus arte palaestrae,
clarus Olympiacis et Lycus in stadiis,
an possent omnes venturo vincere agone,
Hammonem Libyae consuluere deum.
sed deus, ut sapiens: “Dabitur victoria vobis
indubitata equidem, si caveatis” ait,
“ne quis Hylam eaestu, ne quis certamine luctae
Phegea, ne cursu te, Lyce, praetereat.”