Latin · ~1 min
Poem 27
Ausonius, Epitaphia 27
Not analysed yet
THEBARUM regina fui, Sipyleia cautes
quae modo sum: laesi numina Letoidum.
bis septem natis genetrix laeta atque superba,
tot duxi mater funera, quot genui,
nec satis hoc divis: duro circumdata saxo
amisi humani corporis effigiem;
set dolor obstructis quamquam vitalibus haeret
perpetuasque rigat fonte pio lacrimas,
pro facinus! tantaene animis caelestibus irae?
durat adhuc luctus, matris imago perit .