Latin · Elegiac couplet
XVI. Commemoratio Professorum Burdigalensium., 4. Luciolus Rhetor.
Ausonius, Opuscula 16.4
Not analysed yet
Rhetora Luciolum condiscipulum atque magistrum
collegamque dehinc, nenia maesta, refer.
facundum doctumque virum, seu lege metrorum
condita seu prosis solveret orsa modis:
eripuit patri Lachesis quem funere acerbo
linquentem natos sexui utroque duos:
nequaquam meritis cuius responderit heres,
obscuros quamvis nunc tua fama iuvet.
mitis amice, bonus frater, fidissime coniunx,
nate plus, genitor –paenitet, ut fueris.
comis convivis, numquam inclamare clientes,
ad famulos numquam tristia verba loqui.
ut placidos mores, tranquillos sic cole manes
et cape ab Ausonio munus, amice, vale.