# Opuscula 17

Ausonius, Opuscula, Appendix., XVII.. Latin.

Canonical: https://interlinea.aeterna-institute.org/library/latin/ausonius/opuscula/17
JSON: https://interlinea.aeterna-institute.org/api/v1/library/latin/ausonius/opuscula/17

18. Οὐδ᾿ ἔλαϑ᾿ Ἀτρέος υἱὸν ἀρηίϕιλον Μενέλαον. Actoridem caesum nec te, Menelae, fefellit. Circa interemptum Patroclum pugna contrahitur, cum diversi exercitus tenderent, Graeci, corpus ut defenderent, Troiani, ut ad ludibrium cadaver eriperent: a Menelao Euphorbus occiditur et ad ostentationem gloriosi facinoris Achillis exuviis Hector armatur . Antilochus ad Achillem nuntius cladis acceptae Menelao instante festinat. qui et ipse postea cum Merione intra navalium munimenta se recipit, cum tota moles belli Menelao et Aiacibus ingruisset.

---

Ausonius, Opuscula. Text: Monumenta Germaniae Historica (openMGH), CC BY 4.0. Changes: apparatus and markup removed and the text divided into reading sections by Interlinea.
License: CC BY 4.0 (https://creativecommons.org/licenses/by/4.0/). Source: https://data.mgh.de/openmgh/bsb00000793.zip.
