# Opuscula 18

Ausonius, Opuscula, Appendix., XVIII.. Latin.

Canonical: https://interlinea.aeterna-institute.org/library/latin/ausonius/opuscula/18
JSON: https://interlinea.aeterna-institute.org/api/v1/library/latin/ausonius/opuscula/18

19. Ὣς οἳ μὲν μάρναντο δέμας πυρὸς αἰϑομένοιο. Dum furit in medio valli vis ignea Martis: Achilles in miserabilem modum Patrocli deflet interitum, quem vi doloris affectum consolantibus verbis mater alloquitur. nec inultum amicum fore pollicens perlaturam sese Vulcani arma promittit. interea et Iris ab Iunone demittitur, cuius instantia Achilles extra vallum quamquam inermis egreditur conterritisque Troianis super alios aliis praecipitantibus late fuga et latius formido porrigitur. eodemque tempore et Vulcanus exoratus a Thetide tota nocte, quam longa est, caelestia in gratiam nymphae arma molitur.

---

Ausonius, Opuscula. Text: Monumenta Germaniae Historica (openMGH), CC BY 4.0. Changes: apparatus and markup removed and the text divided into reading sections by Interlinea.
License: CC BY 4.0 (https://creativecommons.org/licenses/by/4.0/). Source: https://data.mgh.de/openmgh/bsb00000793.zip.
