# Opuscula 20.2

Ausonius, Opuscula, XX. Ludus Septem Sapientum. Ausonius Consul Drepanio Procons. sal., Ludius.. Latin.

Canonical: https://interlinea.aeterna-institute.org/library/latin/ausonius/opuscula/20.2
JSON: https://interlinea.aeterna-institute.org/api/v1/library/latin/ausonius/opuscula/20.2

Delphis Solonem scripse fama est Atticum
Γνῶϑι σεαυτóν, quod Latinum est: Nosce te.
multi hoc Laconis esse Chilonis putant.
Spartane Chilon, sit tuum necne ambigunt,
quod introfertur: Ὅρα τέλο μαϰροὺ βíου.
finem intueri longae vitae qui iubes.
multi hoc Solonem dixe Croeso existimant.
et Pittacum dixisse fama est Lesbium:
Γíγνωσϰε ϰαιρóν. tempus ut noris, iubet.
set ϰαιρὸς iste tempestivum tempus est.
Bias Prieneus dixit: Οἱ πλεῖστοι ϰαϰοí,
quod est Latinum: Plures hominum sunt mali.
set inperitos scito, quos dixit malos.
Μελέτη τὸ πὰν est Periandri Corinthii,
meditationi inesse tot um qui putat.
Ἄριστον μέτρον esse dixit Lindius
Cleobulus, hoc est: Optimus cunctis modus.
Thaies (set) Ἐγγύα · παρὰ δ' ἄτα protulit,
spondere qui nos, noxa quia praesto est, vetat.
hoc nos monere faeneratis non placet.
dixi: recedam: legifer venit Solon.

---

Ausonius, Opuscula. Text: Monumenta Germaniae Historica (openMGH), CC BY 4.0. Changes: apparatus and markup removed and the text divided into reading sections by Interlinea.
License: CC BY 4.0 (https://creativecommons.org/licenses/by/4.0/). Source: https://data.mgh.de/openmgh/bsb00000793.zip.
