# Opuscula 22.2

Ausonius, Opuscula, 1. Ausonius Hesperio Filio sal. (Consulari Libro Subiciendi Quem ego ex Cunctis Consulibus Unum Coegi Gregorio ex Praef.)., 4. de Eodem.. Latin.

Canonical: https://interlinea.aeterna-institute.org/library/latin/ausonius/opuscula/22.2
JSON: https://interlinea.aeterna-institute.org/api/v1/library/latin/ausonius/opuscula/22.2

Vrbis ab aeternae deductam rege Quirino
annorum seriem cum, Procule, accipies,
mille annos centumque et bis fluxisse novenos
consulis Ausonii nomen ad usque leges.
fors erit, ut, lustrum cum se cumulaverit istis,
confectam Proculus signet olympiadem.

---

Ausonius, Opuscula. Text: Monumenta Germaniae Historica (openMGH), CC BY 4.0. Changes: apparatus and markup removed and the text divided into reading sections by Interlinea.
License: CC BY 4.0 (https://creativecommons.org/licenses/by/4.0/). Source: https://data.mgh.de/openmgh/bsb00000793.zip.
