Latin · Elegiac couplet
〈Epigrammaton Liber.〉, XXXVI.
Ausonius, Opuscula 36
Not analysed yet
Hanc volo quae non volt, illam quae volt ego nolo:
vincere volt animos, non satiare Venus.
oblatas sperno illecebras, detrecto negatas:
nec satiare animum nec cruciare volo.
nec bis cincta Diana placet nec nuda Cythere:
illa voluptatis nil habet, haec nimium.
callida sed mediae Veneris mihi venditet artem
femina, quae iungat quod volo nolo vocant.