# Opuscula 36

Ausonius, Opuscula, 〈Epigrammaton Liber.〉, XXXVI.. Latin.

Canonical: https://interlinea.aeterna-institute.org/library/latin/ausonius/opuscula/36
JSON: https://interlinea.aeterna-institute.org/api/v1/library/latin/ausonius/opuscula/36

Hanc volo quae non volt, illam quae volt ego nolo:
vincere volt animos, non satiare Venus.
oblatas sperno illecebras, detrecto negatas:
nec satiare animum nec cruciare volo.
nec bis cincta Diana placet nec nuda Cythere:
illa voluptatis nil habet, haec nimium.
callida sed mediae Veneris mihi venditet artem
femina, quae iungat quod volo nolo vocant.

---

Ausonius, Opuscula. Text: Monumenta Germaniae Historica (openMGH), CC BY 4.0. Changes: apparatus and markup removed and the text divided into reading sections by Interlinea.
License: CC BY 4.0 (https://creativecommons.org/licenses/by/4.0/). Source: https://data.mgh.de/openmgh/bsb00000793.zip.
