# Opuscula 37.2

Ausonius, Opuscula, 〈Epigrammaton Liber.〉, II. Commendatio Codicis.. Latin.

Canonical: https://interlinea.aeterna-institute.org/library/latin/ausonius/opuscula/37.2
JSON: https://interlinea.aeterna-institute.org/api/v1/library/latin/ausonius/opuscula/37.2

Est quod mane legas, est et quod vespere, laetis
seria miscuimus, temperie ut placeant.
non unus vitae color est nec carminis unus
lector: habet tempus pagina quaeque suum.
hoc mitrata Venus probat, hoc galeata Minerva,
Stoicus has partes, has Epicurus amat.
salva mihi veterum maneat dum regula morum,
plaudat permissis sobria Musa iocis.

---

Ausonius, Opuscula. Text: Monumenta Germaniae Historica (openMGH), CC BY 4.0. Changes: apparatus and markup removed and the text divided into reading sections by Interlinea.
License: CC BY 4.0 (https://creativecommons.org/licenses/by/4.0/). Source: https://data.mgh.de/openmgh/bsb00000793.zip.
