Latin · Elegiac couplet
〈Epigrammaton Liber.〉, VIII. Exhortatio ad Modestiam.
Ausonius, Opuscula 37.8
Not analysed yet
Fama est fictilibus cenasse Agathoclea regem
atque abacum Samio saepe onerasse luto,
fercula gemmatis cum poneret horrida vasis
et misceret opes pauperiemque simul.
quaerenti causam respondit: 'rex ego qui sum
Sicaniae, figulo sum genitore satus'.
fortunam reverenter habe, quicumque repente
dives ab exili progrediere loco.