# Opuscula 4.4

Ausonius, Opuscula, IIII. Ephemeris ID est Totius Diei Negotium., 5. Locus Invitationis.. Latin.

Canonical: https://interlinea.aeterna-institute.org/library/latin/ausonius/opuscula/4.4
JSON: https://interlinea.aeterna-institute.org/api/v1/library/latin/ausonius/opuscula/4.4

Tempus vocandis namque amicis appetit.
ne nos vel illi demoremur prandium,
propere per aedes curre vicinas, puer.
scis ipse, qui sint: iamque dum loquor, redi.
quinque advocavi. sex enim convivium
cum rege iustum, si super, convicium est.
abiit: relicti nos sumus cum Sosia.

---

Ausonius, Opuscula. Text: Monumenta Germaniae Historica (openMGH), CC BY 4.0. Changes: apparatus and markup removed and the text divided into reading sections by Interlinea.
License: CC BY 4.0 (https://creativecommons.org/licenses/by/4.0/). Source: https://data.mgh.de/openmgh/bsb00000793.zip.
