# Opuscula 4

Ausonius, Opuscula, IIII. Ephemeris ID est Totius Diei Negotium.. Latin.

Canonical: https://interlinea.aeterna-institute.org/library/latin/ausonius/opuscula/4
JSON: https://interlinea.aeterna-institute.org/api/v1/library/latin/ausonius/opuscula/4

1.
Mane iam darum reserat fenestras,
iam strepit nidis vigilax hirundo:
tu velut primam mediamque noctem,
Parmeno, dormis.
dormiunt glires hiemem perennem,
sed cibo parcunt: tibi causa somni,
multa quod potas nimiaque caedis
mole saginam.
inde nec flexas sonus intrat aures
et locum mentis sopor altus urget
nec coruscantis oculos̀ lacessunt
fulgura lucis.
annuam quondam iuveni quietem,
noctis et lucis vicibus manentem,
fabulae fingunt, cui Lima somnos
continuarit.
surge, nugator lacerande virgis,
surge, ne longus tibi somnus, unde
non times, detur: rape membra molli,
Parmeno, lecto.
fors et haec somnum tibi cantilena
Sapphico suadet modulata versa.
Lesbiae depelle modum quietis,
acer iambe.

---

Ausonius, Opuscula. Text: Monumenta Germaniae Historica (openMGH), CC BY 4.0. Changes: apparatus and markup removed and the text divided into reading sections by Interlinea.
License: CC BY 4.0 (https://creativecommons.org/licenses/by/4.0/). Source: https://data.mgh.de/openmgh/bsb00000793.zip.
