Latin · Dactylic hexameter
V. Eglogarum ‹Liber›., 17. Quinti Ciceronis hi Versus eo Pertinent, ut Quod Signum quo Tempore Inlustre sit, Noverimus. Quod Superius Quoque Nostris Versibus Expeditur.
Ausonius, Opuscula 5.16
Not analysed yet
Flumina verna cient obscuro lumine Pisces
curriculumque Aries aequat noctisque dieique,
cornua quem condunt florum praenuntia Tauri.
aridaque aestatis Gemini primordia pandunt
longaque iam minuit praeclarus lumina Cancer
languificosque Leo proflat ferus ore calores.
post modium quatiens Virgo fugat orta vaporem.
autumni reserat portas aequatque diurna
tempora nocturnis dispenso sidere Libra.
ecfetos ramos denudat flamma Nepai.
pigra Sagittipotens iaculatur frigora terris.
bruma gelu glacians iubar est spirans Capricorni,
quam sequitur nebulas rorans liquor altus Aquari.
tanta supra circaque vigent umi lumina mundi.
at dextra laevaque ciet rota fulgida Solis
mobile curriculum et Lunae simulacra feruntur.
squama sub aetherio conspectu torta Draconis
eminet. hunc infra fulgentes Arcera septem
magna quatit stellas, quam servans serus in alta
conditur oceani ripa cum luce Bootes.
. . . . . . . . . . . . . . . . . . . . .