# Opuscula 5.2

Ausonius, Opuscula, V. Eglogarum ‹Liber›., 2. Monosticha de Mensibus.. Latin.

Canonical: https://interlinea.aeterna-institute.org/library/latin/ausonius/opuscula/5.2
JSON: https://interlinea.aeterna-institute.org/api/v1/library/latin/ausonius/opuscula/5.2

Primus Romanas ordiris, Iane, kalendas.
Februa vicino mense Numa instituit.
Martins antiqui primordia protulit anni.
fetiferum Aprilem vindicat alma Venus,
maiorum dictus patrum de nomine Maius.
Iunius aetatis proximus est titulo.
nomine Caesareo Quintilem Iulius auget.
Augustus nomen Caesareum sequitur.
autumnum, Pomona, tuum September opimat.
triticeo October faenore ditat agros.
sidera praecipitas pelago, intempeste November.
tu genialem hiemem, feste December, agis.

---

Ausonius, Opuscula. Text: Monumenta Germaniae Historica (openMGH), CC BY 4.0. Changes: apparatus and markup removed and the text divided into reading sections by Interlinea.
License: CC BY 4.0 (https://creativecommons.org/licenses/by/4.0/). Source: https://data.mgh.de/openmgh/bsb00000793.zip.
