# Opuscula 8

Ausonius, Opuscula, Appendix., VIII.. Latin.

Canonical: https://interlinea.aeterna-institute.org/library/latin/ausonius/opuscula/8
JSON: https://interlinea.aeterna-institute.org/api/v1/library/latin/ausonius/opuscula/8

9. Ἠὼς μὲν ϰροϰόπεπλοςἐϰίδνατοπᾶσαν ἐπ᾿ αἶαν. Aurora in croceis fulgebat lutea bigis. Acto deorum concilio Iuppiter pro parte pronuntiat, sua ut quisque exercitus sorte decernat, nullus deorum odio in alteros vel favore procedat. in Idam montem ipse digressus inde Graecos inmisso terrore conterritat, 〈qui〉 turpi fuga ad munimenta conpulsi fossa et aggeribus sese tuentur. Iunonem ac Minervam Graecis auxiliari volentes monitis Iovis Iris exterret diremptoque ob noctem certamine victores Troiani in ipso proelii loco excubias obsidionis instituunt multisque ignibus factis per totam noctem deliberatione consultant.

---

Ausonius, Opuscula. Text: Monumenta Germaniae Historica (openMGH), CC BY 4.0. Changes: apparatus and markup removed and the text divided into reading sections by Interlinea.
License: CC BY 4.0 (https://creativecommons.org/licenses/by/4.0/). Source: https://data.mgh.de/openmgh/bsb00000793.zip.
