# Parentalia 13

Ausonius, Parentalia, 13. Latin.

Canonical: https://interlinea.aeterna-institute.org/library/latin/ausonius/parentalia/13

AVITIANUM, Musa, germanum meum
dona querella funebri,
minor iste natu me, sed ingenio prior
artes paternas inhibit.
verum iuventae flore laeto perfrui
aevique supra puberis
exire metas vetuit infesta Atropos.
heu quem dolorem sociis!
heu quanta vitae decora, quem cultum spei,
germane, pubes deseris,
germane carnis lege et ortu sanguinis,
amore paene filius!

---

Ausonius, Parentalia, ed. Hugh G. Evelyn-White. Text: the Perseus Digital Library, canonical-latinLit, CC BY-SA 4.0. Changes: apostrophes normalised and the text divided into reading sections by Interlinea.
License: CC BY-SA 4.0 (https://creativecommons.org/licenses/by-sa/4.0/). Source: https://github.com/PerseusDL/canonical-latinLit/blob/master/data/stoa0045/stoa022/stoa0045.stoa022.perseus-lat2.xml.