Latin · Elegiac couplet
Ad Poetas Germaniae, ne se invicem lacerent et inimicis ridendi materiam
Bebel, Opuscula nova 4.24
Unproofread scanNot analysed yet
O vos illustres divino carmine Vates
Et quibus eloquii splendida vena datur.
Non placeat vobis vos dilacerare vicissim
Congerere inter vos nec maledicta iuvet.
Quos studioque pares, eademque professio amicos
Colligat, o Vates, et sociale sacrum
Praesertim quia praebetis spectacula multis
Ridendique ansam materiamque ioci.
Qui cunctis vos in triviis explodere curant
Infesti musis, carminibusque sacris.
Heu manifesta loquor, genus hoc vos nostis, et inde
Contra illos vobis quis feret auxilium?