# Regula 11.9

Benedict, Regula, Chapter 11. Latin.

Canonical: https://interlinea.aeterna-institute.org/library/latin/benedict/regula/11.9
JSON: https://interlinea.aeterna-institute.org/api/v1/library/latin/benedict/regula/11.9

In quarto responsorio dicatur Gloria.] In antiquis Germaniae Consuetudinibus mss. praescribitur, ut « uniuscujusque nocturnae quartum responsorium post Gloria a capite repetatur, et excelsius cantetur. » Quam dum incipit mox omnes cum reverentia surgant.] Quid sit cum reverentia surgere explicat Hildemarus nis verbis: « Non debent festinanter surgere, sed honorifice et inclinato capite tandiu debent incurvi sistere quoadusque dicat cantor Spiritui sancto. » Eodem modo Bernardus Cassinensis reverentiam illam explicat de supplicatione et inclinatione, quae quidem talis esse debet, ut manus super genua poni possint; et « qui plus aut minus fecerit, inquit Hildemarus, debet duci per gradus, » Quid sit duci per gradus diximus alibi.

---

Benedict, Regula, ed. J.-P. Migne. Text: Open Greek and Latin, Patrologia Latina (University of Leipzig), CC BY-SA 4.0. Changes: notes, column numbers and editors' prefaces removed, line-end hyphens joined and the text divided into reading sections by Interlinea.
License: CC BY-SA 4.0 (https://creativecommons.org/licenses/by-sa/4.0/). Source: https://github.com/OpenGreekAndLatin/patrologia_latina-dev/blob/8c651f859f821f0868755596f1a513946ca25350/data/tmp1085/tmp1085/tmp1085.tmp1085.opp-lat1.xml.
