Latin
Chapter 25
Benedict, Regula 25.21
Unproofread scanNot analysed yet
Sciens illam terribilem Apostoli sententiam dicentis traditum hujusmodi hominem Satanae in interitum carnis, ut spiritus salvus sit in die Domini.] Cujus sententiae tres affert expositiones Hildemarus. Prima est eorum qui tradi Satanae intelligunt detrudi in carcerem; eo quod Satanae contrarius interpretetur, et carcer omnino carni contrarius cognoscatur. Secunda eorum qui dicunt Apostolus hujusmodi hominem tradidisse in potestatem diaboli, ut illius vexandi haberet potentiam. Tertia eorum qui tenent Paulum hominem illum jussisse occidi. Ex quibus sola secunda ad mentem Apostoli esse videtur; nam interitus carnis, hic non mortem, sed afflictionem ac poenalitatem significat, ut docet Bernardus Cassinensis.