# Regula 25.6

Benedict, Regula, Chapter 25. Latin.

Canonical: https://interlinea.aeterna-institute.org/library/latin/benedict/regula/25.6
JSON: https://interlinea.aeterna-institute.org/api/v1/library/latin/benedict/regula/25.6

Tales ergo culpae quomodo emendandae sint, declarat hoc capitulo S. Pater his verbis: Is autem frater qui gravioris culpae noxa tenetur, suspendatur.] Id est excommunicetur. A mensa simul et ab oratorio.] Id est Sacramentis et hominum pariter participatione, inquit Boherius in 2 comm.; ex cujus mente dicendum foret S. P. Benedictum non regulari simpliciter et monastica, sed vere ecclesiastica excommunicatione percutere voluisse gravioribus culpis obnoxius: quam quidem opinionem sequentibus argumentis quis confirmare posset.

---

Benedict, Regula, ed. J.-P. Migne. Text: Open Greek and Latin, Patrologia Latina (University of Leipzig), CC BY-SA 4.0. Changes: notes, column numbers and editors' prefaces removed, line-end hyphens joined and the text divided into reading sections by Interlinea.
License: CC BY-SA 4.0 (https://creativecommons.org/licenses/by-sa/4.0/). Source: https://github.com/OpenGreekAndLatin/patrologia_latina-dev/blob/8c651f859f821f0868755596f1a513946ca25350/data/tmp1085/tmp1085/tmp1085.tmp1085.opp-lat1.xml.
