Latin
Chapter 27
Benedict, Regula 27.14
Unproofread scanNot analysed yet
Et omni sagacitate et industria curare, ne aliquam de ovibus sibi creditis perdat.] Ac proinde si de alicujus fuga timeat, eam in carcerem mittat, catenis, compedibus aut vinculis stringat, ut ex hoc loco infert Hildemarus. Notat autem Bernardus Cass. quosdam codices non curare, sed currere scribere; et revera ita legunt codex Anglicanus, Smaragdus Floriacensis, Hildemarus et Boherius, et quidem recte: nam proprium pastoris est post ovem errantem currere; debet autem «non corpore, sed mentis et intelligentiae gressibus currere, …e aliquam de ovibus suis perdat per suam negligentiam, tarditatem, vel segnitiem, »ut loquitur Smaragdus.