# Regula 35.448.84-109

Benedict, Regula, 35.448.84 to 35.448.109. Latin.

Canonical: https://interlinea.aeterna-institute.org/library/latin/benedict/regula/35.448.84
JSON: https://interlinea.aeterna-institute.org/api/v1/library/latin/benedict/regula/35.448.84

Et cum vicibus istis unius decadae fuerit adimpletum servitium, consignatis omnibus a cellerario utensilibus, sibi alia in exercitatione decada succedat. Qua expleta, succedant sigillatim per singulas septimanas. » In Regula S. Donati ad Virgines (Cap. 67): « Sorores sibi invicem serviant In omni ministerio corporali, tam in coquina, vel quidquid quotidianus exegerit usus, vicibus sibi, excepta matre seu praeposita, succedere debent, » In Regula Sancti Ferreoli: « Temporibus dispositis v cibusque discretis, de ciborum praeparatione solliciti serviant sibi invicem; atque alterutrum sub aequalitate ministerii dominentur, » Apud S. Basilium (Serm. i de Instit. monach.): « Ministerium in communi conventu alternis vieibus fiat, duo secundum ordinem in hehdomada una omne studium ad usum requisitum expleant. » Apud S. Hieronymum in praefatione ad Regulam S Pachomii: « in hebdomadarum ministerio sibi su cedant per ordinem. » Apud Cassianum (Lib. iv, c. 19): « Per cunctam namque Mesopotamiam, Palaestinam, et Cappadociam, ac totum Orientem, singulis hebdomadibus vicissim fratres ad haec officia sibi reddenda suceedunt. ita ut secundum coenobii multitudinem ministrorum quoque numerus deputetur. » Denique in Vita S Mariani ad S. Germanum Autissiodoreusem monachi, saeculo v, ad quem Olinitius i em monachus dixisse fertur: « Sors mea est ad me sam fratribus ministrare et alimoniam parare. » Soli, aut saltem fere soli Aegyptii monachi contrariam inierant consuetudinem: « Apud Aegyptios enim, ut scribit Cassianus (Lib. iv, c. 22), quibus maxima cura est operis, non est hebdomadarum mutua vicissitudo, ne sub occasione hujus officii omnes ab operis canone impediantur; sed uni probatissimo fratrum cellarii vel coquinae cura committitur, qui perpetuo donec vires vel aetas admittit, jugiter opus illud exerceat. » Et tamen S. Hieronymus de Aegyptiis monachis loquens: « Unaquaeque decuria, inquit (Epist. 22), cum suo parente pergit ad mensas, quibus per singulas hebdomadas vicissim ministrant. » Sed S. Hieronymum de solo mensae servitio, non de coquina: officio forte intellexeris.

---

Benedict, Regula, ed. J.-P. Migne. Text: Open Greek and Latin, Patrologia Latina (University of Leipzig), CC BY-SA 4.0. Changes: notes, column numbers and editors' prefaces removed, line-end hyphens joined and the text divided into reading sections by Interlinea.
License: CC BY-SA 4.0 (https://creativecommons.org/licenses/by-sa/4.0/). Source: https://github.com/OpenGreekAndLatin/patrologia_latina-dev/blob/8c651f859f821f0868755596f1a513946ca25350/data/tmp1085/tmp1085/tmp1085.tmp1085.opp-lat1.xml.
