Latin
4.103.1 to 4.103.71
Benedict, Regula 4.103.1-71
Unproofread scanNot analysed yet
31. Inimicos diligere (Matth. v). Maledicentes se, non remaledicere, sed magis benedicere (I Petr. iii). Persecutiones pro justitia sustinere (Matth. v). Non esse superbum (Tob. iv). Non vinolentum (I Tim. iii). Non multum edacem (Eccl. xxxvii). Non somnolentum (Prov. xx). Non pigrum (Prov. xxiv). Non murmurosum (Sap. i). Non detractorem (Prov. iv). Spem suam Deo committere (Psal. xxx). Bonum aliquod in se cum viderit, Deo applicet, non sibi (Jac. i). Malum vero, semper a se facium sciat et sibi reputet (Ose. xiii). Diem judicii timere (Job 31). Gehennam expavescere (Luc. xii). Vitam aeternam omni concupiscentia spirituali desiderare (Psal. lxxxiii). Mortem quotidie ante oculos suspectam habere (Matth. xxiv) Actus vitae suae omni hora custodire (Deut. iv). In omni loco Deum se respicere, pro certo scire (Prov. v). Cogitationes malas cordi suo advenientes mox ad Christum allidere (Psal. xxxvi). Et seniori spirituali patefacere (Eccl. ix). Os suum a malo vel pravo eloquio custodire (Psal. xxxv). Multum loqui non amare (Prov. x). Verba vana aut risui apta non loqui (Matth. xii). Risum multum aut excussum non amare (Eccl. vii). Lectiones sanctas libenter audire (Luc. xi). Orationi frequenter incumbere (Luc. xviii). Mala sua praeterita cum lacrymis vel gemitu quotidie in oratione Deo confiteri, de ipsis malis de caetero emendare (Psal. vi). Desideria carnis non perficere; voluntatem propriam odire (Gal. v). Praeceptis abbatis in omnibus obedire (Hebr. xiii), etiamsi ipse aliter (quod absit) agat, memores illud dominicum praeceptum, Quae dicunt, facite: quae autem faciunt, facere nolite (Matth. iii). Non velle dici sanctum antequam sit; sed prius esse quod verius dicatur (Matth. iii). Praecepta Dei factis quotidie adimplere (Eccli. vi). Castitatem amare (I Tim. v). Nullum edire (Luc. xix). Zelum non habere, invidiam non exercere (Gal.